最後決定給他們最後一次機會, 讓他們比賽, 但亦要他們承諾不能再犯事~

很多人都說我心軟, 只會再傷心一次.......究竟這決定對嗎??

今天, 我真的懷疑自己是否真的錯了.........

A Grade & B Grade 男籃都輸了........真係好唔開心

尤其係對A Grade o既球員, 佢地真係有擺個心落球隊, 仲以精英賽為目標

就算落雨練體能都冇埋怨, 大家都傻下傻下咩都唔介意, 我覺得佢地呢屆係最好o既一屆~

真係好想o係佢地f.5 呢年同佢地一齊拎牌.......但最後都係爭少少.........

希望佢地真係努力d 讀書, 下年入番黎一齊打波~

近來太多負能量, 可以停止一下嗎???

沒有支持......撐得住嗎???

明天是星期天...........祝我愉快..........

由開學到依家, 都好忙~好多野都冇時間, 冇心機記低......

太多事要處理, 太多野要兼顧, 但太多o既無奈~

心情成日好似麻麻, 提唔起勁~學生都話我今年惡o左, 成日燥底~

或者係我對佢地有要求o左, 我好希望佢地可以為自己o既事負責,

可以盡力做好作為學生, 作為球員o既本份~

尤其係籃球隊o既, 對佢地期望愈高, 就愈希望佢地做得好 ~

無論係平時o既行為上, 練習o既表現, 我都想佢地做好d~

但有好多時都令我失望...........

我突然o係度諗, 下年我想交俾其他人帶.........(不過都係諗下jei~~)

好多諗法, 但都係諗下.........

--------------------------------------------------------------------------------------------------------

11 月了, 很害怕這個日子來臨.............

好耐冇打xanga.....開學到依家都係好忙...... 日日都過7 點先走
我係度諗, 遲d sports day 點算呢???

星期二打風, 搞到中六冇得去camp ~ 呢次算係我第一次咁唔想個風黎.......
希望個day camp 對佢地黎講都學到野啦~~

星期四, 開始喉嚨痛, 星期五仲加埋咳, 星期六仲發燒tim~
原本諗住唔返學, 但教練又唔係, 我又唔係度o既話, 佢地實唔俾練波,
所以帶哂口罩返去, 仲叫佢地唔好行我咁近~
出門口個人已經暈暈地, 仲要我花精神處理佢地o既野~(所以o個日佢地話我好燥底)
原本諗住等佢地練完波, 我上去做少少野, 但完全冇精神做, 執埋d 野就返屋企~
返到屋企, 諗住訓下覺, 睇下點, 但阿媽迫我睇醫生~
落到去, 都係探下熱, 睇下喉嚨, 聽下呼吸, 拎埋d 藥就走得, 勁快!!
返到屋企, 食完藥, 訓o左成個下晝, 好似有番少少精神~

依家個人都仲有D 溫溫燉燉
希望快d 好番!! 唔想冇精神做野!!

27/8 同金魚 lunch farewell~ 輕鬆愉快的一餐~

因為大家都係kai kai 地, 所以咩都講得一餐~

當中無意的說話, 又令我諗起好多野.......

幾年前的我, 依家o既我.........好多好多.......

anyway, 都好多謝佢同我呢個師姐食飯,

因為畢o左業後, 除o左自己yr, 已經好少機會同spe 人食飯~

希望佢去exchange 一切順利 la!!

29/8 & 30/8 六年級歡送同day camp

呢個暑假同佢地去o左好多個camp, 每次到呢個時候, 都會好唔捨得佢地~

因為我知道到o左中學之後, 可能好多野都會變~

佢地可能唔會再返黎, 可能冇咩機會見~

但都希望佢地有時諗番起, 都會記得我地呢班 miss 阿sir , 我地一齊o既時間~

31/8 spe 同學仔食飯~

今次仲有埋 jason, 食食食, 講講講, 傾下工作, 生活, 咁又一晚~

聽日就要返學, 真係好想繼續放假~

8 月頭開始, 成日都要返學~練波, 開會, leadership workshop, s.1 orientation, 冇停過~

黎緊呢年要面對o既, 要解決o既, 要做o既將會係更多~有些擔心自己做不來.......

好想找一點支持..........希望到時撐得住!!! 加油陳穎嫻!!

最後, 祝大家開工大吉, 希望鄭小晃快d 好番啦~

睇o左醫生, 好在十字靭帶冇事, 只係內側靭帶撕裂同半月板可能有事~

休息6 星期, 做物理治療, 如果半月板真係有事, 就先再做手術

依家行路冇問題, 只係唔係幾用到力同有少少痛~

我要努力D 做物理治療, 快D 好番, 唔好影響工作~

個個知道我又整親, 都鬧我做咩咁唔小心~ 好多謝大家o既關心, 我真係會小心d ga la!!

11/8, 返完學之後返中大spe o camp~

今年freshmen 有鋪除衫癮, 真係俾佢地嚇死~好在我地yr 都有波思~哈哈!!

見番好多spe 人, 好開心~希望freshmen enjoy spe o既4 年la!!

最後多謝阿蔡阿man 車我呢個傷殘人士~thx!!